Një rajon më i lidhur i Adriatikut Jugor përmes përmirësimit të lëvizshmërisë dhe lidhjes rajonale

7 shkurt 2025

Është zhvilluar takimi dy ditor i projektit “SA Connectivity”, në Portin Bar në Mal të Zi, ku Autoriteti Portual Durrës u përfaqësua nga grupi i punës. Prioriteti kryesor i programit fokusohet në ndërlidhjen e Adriatikut Jugor duke përmirësuar lëvizshmërinë dhe lidhjen rajonale, zhvillimin dhe përmirësimin e lëvizshmërisë së qëndrueshme, të zgjuar dhe të ndërmodalizuar në nivel kombëtar, rajonal dhe lokal, duke përfshirë aksesin e përmirësuar në TEN-T dhe lëvizshmërinë ndërkufitare.

Kjo tregon se projekti synon të rrisë bashkëpunimin dhe efikasitetin e lidhjeve midis porteve të përfshira, duke përdorur teknologji të avancuara dhe qasje të qëndrueshme në transportin detar dhe logjistikë.

Partnerët e projektit SA Connectivity janë institucione dhe autoritete nga Italia, Shqipëria dhe Mali i Zi, përfshirë:

1. Rajoni i Pulias (Itali) – Partner lider (LP)
2. Agjencia Strategjike Rajonale për Zhvillimin Ekologjik dhe të Qëndrueshëm të Territorit (ASSET, Itali)
3. Autoriteti i Porteve të Detit të Adriatikut Jugor (Itali)
4. Rajoni i Molises (Itali)
5. Ministria e Infrastrukturës dhe Energjisë (Shqipëri)
6. Autoriteti Portual Durrës (Shqipëri)
7. Ministria e Investimeve Kapitale (Mali i Zi)
8. Porti i Barit JSC (Mali i Zi)

Projekti SA Connectivity, i financuar nga IPA South Adriatic, ka për synim zhvillimin e funksionaliteteve dhe integrimin e sistemeve operacionale dhe IT në portet pjesëmarrëse.