Një anije me eskavatorë për bujqësinë ka mbërritur sot në portin e Durrësit. Anija Ro-Ro “Fides” që lundroi drejt Durrësit nga porti i Pireut (Greqi) është ankoruar në Terminalin e trageteve sot në orët e para të ditës.
Prej saj tashmë janë shkarkuar 61 eskavatorë me vëllim të përgjithshëm prej 1.064 ton. Kjo flotë prej 61 eskavatorësh do të shkojë në shërbim të drejtuesve të pushtetit vendor, si investim për bujqësinë.
Mjetet që mbërritën sot janë në funksion të shmangies së përmbytjeve dhe garantimit të ujitjes dhe kullimit të tokave bujqësore.
