Numri i jahteve turistike që janë ankoruar në kalatat e portit më të madh të vendit që nga fillimi i vitit 2018 ka arritur në 345, duke tejkaluar ndjeshëm shifrën vjetore të vitit paraardhës që arriti në 294 jahte gjithsej.
Pjesa më e madhe e mjeteve lundruese turistike janë ankoruar kryesisht në kalatat e Terminalit të Mallrave Gjenerale (Terminali Perëndimor).
Nga të dhënat operative të Sektorit të Statistikave, që nga 1 janari 2018 deri më 24 shtator janë ankoruar 345 jahte të përmasave të ndryshme.
Ndërkaq, sipas të njejtit burim, mësohet se shifra e të gjithë vitit 2017 ka ndaluar në 294 jahte gjithsej.
Vetëm gjatë periudhës 1-24 shtator 2018 në portin e Durrësit kanë qëndruar për periudha deri në një javë 41 jahte me flamurë të vendeve të ndryshme të botës.
