Tre anije me mallra e kontejnerë po përpunohen sot në port, ndërkohë që tre anije të tjera priten në 24 orët e ardhshme.
Në kalatën 5 që nga dita e enjte po shkarkohen 811 ton paleta me mallra ushqimore nga anija “Frojdi III”, ndërsa nga anija “Envi” në kalatën 10 po shkarkohen 3.461 ton skrap.
Sot paradite në kalatën 6 filloi të përpunohet edhe anija “MSC Augusta” me 61 copë kontejnerë.
Ndërkaq, deri nesër pritet të mbërrijnë tre anije, një nga të cilat do të ngarkohet me 5.500 ton çimento, ndërsa nga dy të tjerat do të shkarkohen 1350 ton sojë dhe 84 kontejnerë.
