Një grup studentësh të Universitetit të Tamperes në Finlandë zhvilloi sot në mesditë një vizitë njohëse në portin e Durrësit.
Grupi me 42 studentë, kryesisht nga dega e Inxhinjerisë idustriale, u prit në Sallën e madhe të Autoritetit Portual nga Drejtori i Drejtorisë së Teknikës dhe Zhvillimit, Rafaelo Rexho, i cili pasi u uroi mirëseardhjen i njohu shkurt vizitorët me disa nga projektet e ardhshme në portin më të madh të vendit.
Specialistët e sektorit të Promocionit i njohën studentët nga Finlanda me kapacitetet portuale si dhe me projektet që po zbatohen aktualisht në port.
Më pas grupi i studentëve vizitoi Terminalin e Mallrave Gjenarale si dhe Terminalin e Udhëtarëve.
Specialistët portualë iu përgjigjën gjithashtu interesimit të të rinjve universitarë finlandezë, të cilët më parë kishin vizituar edhe disa porte të tjerë të Mesdheut.
