Në portin më të madh të vendit, sot paradite përpunimi i mallrave dhe lundrimii trageteve i janë rikthyer normalitetit.
Pas tre ditëve me mot të paqëndrueshëm, reshje shiu dhe det të trazuar, dy tragetet e linjës Bari-Durrës kanë mbërritur sot rreth orës 8.00, duke respektuar grafikun e parashikuar.
Nga Qendra e Informacionit në APD, mësohet se anijet me mbi 14 mijë t mallra gjithsej janë akostuar dhe po përpunohen në Terminalin Perëndimor, atë Lindor si dhe në Terminalin e Konteinerëve.
Në tre Terminalet e mallrave vazhdon normalisht përpunimi i 6 anijeve me mallra të ndryshme si çimento, grurë, melaminë, skrap si dhe 340 konteinerë – u tha nga Qendra e Informacionit.
Gjatë orëve në vazhdim në portin e Durrësit pritet të akostohen 4 anije me rreth 18 mijë t mallra si xhama, qymyr dhe mineral hekuri.
