APD: Veprimtaria rajonale e OBSH mbi praktikat trajnuese për kapacitetet bazë të portit

Në mjediset e Autoritetit Portual Durrës ditën e enjte u zhvillua Workshop-i Rajonal si dhe praktikat trajnuese në kuadër të veprimtarisë për “Manualin e vlerësimit të kapaciteteve bazë në porte dhe aeroporte”, organizuar nga Organizata Botërore e Shëndetësisë.

Në këtë aktivitet rajonal morrën pjesë përfaqësues të nëntë vendeve të ndryshme jo vetëm nga rajoni, të cilët veç pjesës teorike vizituan disa nga mjediset portuale.

Pjesmarrësit në Work shop i përshëndeti zv/Drejtori i Përgjithshëm Ekzekutiv i APD, z.Petrit Çerçizi, i cili vlerësoi rëndësinë e këtij aktiviteti për personelin portual si dhe bashkëpunimin rajonal për vlerësimin e kapaciteteve bazë në porte.

Specialistët e sektorit të Promocionit në APD si dhe drejtuesit e sektorit të Mjedisit prezantuan të dhënat mbi hapësirën portuale, funksionimin e tij dhe projektet për të ardhmen.

Z. Florel Tola, Drejtor i Drejtorisë së Mjedisit,  veç përshëndetjes foli mbi kontrollin dhe koordinimin qendror, ndërsa z. Indrit Kalaja u ndal më gjatë në përpilimin e Çertifikatave shëndetsore të anijeve dhe në Shërbimin shëndetsor portual.

Gjatë ditës pjesmarrësit në Work shop kanë vizituar mjediset e Karantinës portuale, në zyrat e Drejtorisë së Mjedisit dhe në një nga tragetet e linjës ku kane stimuluar procedurat e “praktikes se lire”.

obsh img_8559
obsh img_8578
obsh img_20190718_1217136
obsh img_20190718_1220475
obsh img_20190718_1227233
obsh img_20190718_1239511