21.11.2025
Gjatë ditës së sotme u zhvillua në Autoritetin Portual të Durrësit vizita zyrtare e delegacionit të JETRO, organizuar në bashkëpunim me Ambasadën e Japonisë në Shqipëri. Vizita u realizua në kuadër të shkëmbimit të informacionit dhe forcimit të bashkëpunimit ndërmjet institucioneve, me fokus në zhvillimet portuale dhe mundësitë e bashkëpunimit ekonomik.
Gjatë takimit, përfaqësuesit e Autoritetit Portual të Durrësit prezantuan zhvillimet aktuale, projektet strategjike dhe prioritetet e institucionit, ndërsa delegacioni i JETRO shprehu interes për të njohur më nga afër potencialet e Portit të Durrësit dhe mundësitë për bashkëpunim të mëtejshëm.
Autoriteti Portual i Durrësit vlerëson këtë vizitë si një hap pozitiv drejt forcimit të marrëdhënieve me partnerët japonezë dhe mbetet i hapur për inicimin e projekteve dhe nismave të përbashkëta në të ardhmen.
*JETRO ( Japan External Trade Organization) është agjencia qeveritare japoneze që promovon tregtinë dhe investimet midis Japonisë dhe vendeve të tjera. Ata punojnë për të nxitur bashkëpunime ekonomike, investime të huaja, projekte zhvillimi dhe lidhje biznesi.
