Drejtues dhe punonjës së Autoritetit portual të Durrësit kanë diskutuar sot në mesditë mbi projektin ADB Multiplatform, i cili synon zhvillimin dhe promovimin e transportit multimodal në mbrojtje të mjedisit, në zonën e Europës Juglindore.
Sipas termave kryesore të projektit që u implementua për rreth 2.5 vjet, kjo do të arrihet nëpërmjet zhvillimit dhe krijimit të një “platforme të transportit multimodal”, e cila do të integrojë rajone dhe struktura që kanë lidhje me transportin. Kjo është Konferenca përmbyllëse që synon ti shërbejë promovimit të rezultateve të Projektit.
I pranishëm në Takim drejtori I përgjithshëm Selim Belortaja vlerësoi ecurinë e projektit dhe praninë konstruktive të APD në të gjitha seancat zhvillimore të tij. Drejtori Belortaja tha se në të ardhmen prania e APD në hartimin dhe zbatimin e projekteve të tilla shumëpalëshe do të jetë më e madhe. Porti I Durrësit gjithnjë e më tepër po bëhet një faktor I rëndësishëm në transportin detar.
Aktivitetet e ndërmarra gjatë
implementimit të projektit kanë marrë në konsideratë rrjetet ekzistuese infrastrukturore dhe politikat në fushën e transportit. Shumë nga aktivitetet e kryera kanë të bëjnë me vlerësimin e standarteve ekzistuese të transportit, analizën
e
problematikave, zhvillimin e korridoreve cilësore dhe Qëndrave te Zhvillimit Multimodal, hartimin e marrëveshjeve për një transport në respekt të mjedisit ndërmjet partnerëve të projektit si dhe module trainimi të përbashkëta. Projekti ADB Multiplatform synon:
Gjatë implementimit të projektit, Autoriteti Portual Durrës ka marrë pjesë duke u siguruar partnerëve informacionin e nevojshëm për realizimin e përbashkët të aktiviteteve të projektit. APD ka kontribuar në: Krijimin e hartës së korridoreve si dhe të një guide për monitorimin e korridoreve dhe krijimin e nje databaze per gjurmimin e ngarkesave. Kjo do të mundësojë komunikimin online ndërmjet vendeve të përfshira, në lidhje me lëvizjen e ngarkesave në korridoret e Europës Juglindore. Monitorimin e cilësisë së korridoreve, nëpërmjet shkëmbimit të informacioneve ndërmjet vendeve partnere të projektit. Studimin e sistemit doganor në Shqipëri, fokusuar në sistemin elektronik që përdorin doganat shqiptare. Sigurimin e të dhënave të portit për hartimin e një Qëndre Zhvillimi Multimodal, e cila po krijohet në Tiranë nga Dhoma e Tregtisë dhe Industrisë. Kjo do tu shërbejë operatorëve në fushën e transportit të kenë informacionin që ju duhet në lidhje me transportin në vendet e Europës Juglindore. Studimin e ndikimit në mjedis të mjeteve të transportit në korridoret e EJL dhe mënyrat e llogaritjes së kostove të eksternaliteteve. Për këtë, eshte nenshkruar një Memorandum Bashkëpunimi ndërmjet vendeve partnere të projektit, për zbatimin e nje politike per green transport Krijimin e databazes për monitorimin e ngarkesave në zonën pilot Durrës-Bar-Levante Partneriteti konsiston në një bashkim partnerësh me shtrirje, gjeografike, teknike dhe institucionale. Disa nga Partnerët: Rajoni Veneto, Itali, Rajoni Puglia, Itali, Universiteti Aristotel i Selanikut, Greqi, Autoriteti Portual i Selanikut, Greqi, Kompania Kombëtare “Administrimi i Porteve Detare” Kostanza, Rumani, Agjensia Ekzekutive e Administrimit Detar, Bullgari, Instituti i Trafikut dhe Transportit Ljubjana, Slloveni, Shoqata Kombëtare e Info-komunikimit, Hungary, JSC Slovake e lundrimit dhe porteve, Slovaki, Struktura e Transportit Intermodal, Kroaci, Porti i Bar, Mali i Zi, etj.
