Që nga fillimi i muajit korrik 2020, në Terminalin e Konteinerëve, janë përpunuar 11 anije tregtare me mallra të ndryshme dhe me kapacitet 6008 boxe ose 8722 TEU(njësi konteinerike).
Gjatë ditës së sotme, në molin 6 ndodhet e akostuar anija tregtare “Steen”, nga e cila po përpunohen 223 copë konteinerë.
Në funksion për procesin e përpunimit ndodhen 2 vinça portualë.
Anijet; “Steen”, “Medkon Rize”, “Luebeck”, “Spirit of Chennai” dhe “Alinda”, janë disa nga anijet të cilat kanë transportuar konteinerë pranë Portit të Durrësit, në Terminalin e konteinerëve.
Aktualisht, puna në këtë Terminal vijon pa ndërprerje.
