Një përfaqësi e APD, e drejtuar nga drejtori i Përgjithshëm Ekzekutiv, Afrim Bakaj, morri pjesë këto ditë në “Forumin e Menaxhimit të Portit dhe Terminalit”, që u organizua në Hamburg nga TMB Evolution Group.
Drejtori Bakaj zhvilloi gjithashtu disa takime të rëndësishme bashkëpunimi me drejtues dhe me ekspertë të porteve të ndryshme.
Konferenca e Hamburgut që u drejtua nga Kreu i Strategjisë së Autoritetit të Portit të Hamburgut, z. Bjoern Pistol i zhvilloi punimet më 7-8 qershor dhe në axhendën e saj u trajtuan disa tema si:
Tranzicioni i energjisë: Nga biznesi i vjetër i naftës tek modelet e rinj tëbiznesit; shfrytëzimi i hapësiraveboshe: A është riciklimi i anijeve një mundësi?Portet e gjelbër dhe të zgjuar të së ardhmes; strategjia e menaxhimit të Terminalit; etj.
Gjatë ditëve të konferencës, z. Bakaj zhvilloi takime mbi logjistikën dhe menaxhimin portual me presidentin e portit Esbjerg (Danimarkë) z. Jesper Bank, me z. Bjoern Pistol, etj.
Në një takim tjetër mes drejtuesve të APD dhe HPC ( Konsulenca e Portit të Hamburgut), u diskutua mbi aktivitetin e HPC dhe mbi të ardhmen e portit të Durrësit. Pas takimit të pranishmit vizituan Terminalin e kontejnerëve në portin e Hamburgut, duke u ndalur veçanërisht në shasitë e kontejnerëve automatikë të vetëkomanduar.
Në takimet e tij të konsulencës me Dr. Ing Felix Kasiske dhe Ing Joerg Geerke (HPC) z. Bakaj u interesua për sigurimin e financimeve për zgjerimin e sipërfaqes së kalatave si dhe për procedurën e tenderimit për thellimin e portit.
